I លក្ខខណ្ឌក្នុងការធានា ៖
អ្នកប្រើប្រាស់ត្រូវតែបង្ហាញប័ណ្ណធានាមានកំណត់នេះរួមជាមួយអំណះអំណាងបញ្ជាក់អំពីការជាវផលិតផលនៅពេលអោយគេត្រួតពិនិត្យ។ នៅក្នុងករណីមិនមានឯកសារទាំងនេះ សម្រាប់យកទៅបង្ហាញទេ អ្នកប្រើប្រាស់នឹងត្រូវបង់ថ្លៃសេវាជួសជុុល គ្រឿងបន្លាស់ដែលត្រូវធ្វើការផ្លាស់ប្តូរជូន។ សម្គាល់៖ ប័ណ្ណធានាមានកំណត់នេះគឺមានសុពលភាព និងអាចអនុវត្តបានតែនៅក្នុងប្រទេសដែលលោកអ្នកបានជាវផលិតផលតែប៉ុណ្ណោះ។
រយៈពេលធានា
រយៈពេលធានាមានកំណត់គឺមួយឆ្នាំ (១២ខែ) គិតចាប់រាប់ពីថ្ងៃដែលលោកអ្នកបានជាវតទៅ។ ផលិតផលដែលលោកអ្នកបានជាវអាចមានឧបករណ៍ផ្សេងៗក្នុងប្រអប់តែមួយ ហើយឧបរកណ៍បន្ថែមនីមួយៗមានរយៈពេលធានាមួយឆ្នាំ (១២ខែ) ដូចគ្នាដែរ។
. ការធានាមានកំណត់រយៈពេលមួយឆ្នាំ (១២ខែ) ចំពោះតែ Hardware (ដែលកំណត់ដោយ Apple) តែប៉ុណ្ណោះ។
. ការទទួលបានសេវាកម្មជួសជុល លុះត្រាតែពិនិត្យឃើញថាផលិតផលរក្សានូវសភាពដើមមិនមានការខូចខាតគួរអោយកត់សំគាល់។
. ការទទួលសេវាកម្មជួសជុលលុះត្រាតែការធានាមានកំណត់នៅក្នុងកំឡុងមួយឆ្នាំ (១២ខែ) ដោយគិតចាប់ថ្ងៃខែដែលបានជាវផលិតផល។
. ដើម្បីពិនិត្យមើលសុពលភាពនៃការធានាលើផលិតផលរបស់លោកអ្នក សូមចូលទៅកាន់គេហទំព័រ https://checkcoverage.apple.com(ជាព័ត៌មានបឋម និងប្រហាក់ប្រហែលប៉ុណ្ណោះ)
. ដើម្បីស្វែងរកមជ្ឈមណ្ឌលផ្តល់សេវាកម្មដែលទទួលសិទ្ធពី Apple សូមចូលទៅកាន់គេហទំព័រ https://locate.apple.com/Asian/en/ និង https://apple.com/legal/warranty/
. លោកអ្នកត្រូវបញ្ជូនផលិតផលដែលមានកំហូចរបស់លោកអ្នក ទៅកាន់ទីតាំងផ្តល់សេវាកម្មជួសជុល អោយបានមុនពេលផុតកំណត់ការធានា។
II លក្ខខណ្ឌក្រៅការធានា ៖
ក្រុមហ៊ុននឹងមិនផ្តល់សេវាកម្មចំពោះផលិតផលដែលមានសភាពខុសប្រក្រតី ឬខុសពីសភាពដើម (ប៉ះទង្គិច សឹករិចរិល បែកអេក្រង់ ខ្ចៅមានស្មាមមួល ខ្ចៅច្រេះ ស្នឹម ស្នាមជ្រាបទឹក ការផ្លាស់ប្តូរគ្រឿង Original កំពិត ឆែប ឆូត ស្មានគាស់របើក)។ ការធានាមិនផ្តោតលើ Software នោះទេ។
III លក្ខខណ្ឌរួម ៖
ក្រុមហ៊ុនមានសិទ្ធបដិសេធមិនផ្តល់សេវាកម្ម ប្រសិនបើពិនិត្យឃើញថាផលិតផលនោះត្រូវបានជួសជុល ឬក្រែប្រែក្រៅពីក្រុុមហ៊ុនដែលមានសិទ្ធិស្រប់ច្បាប់ពី Apple ។
1.អតិថិជនត្រូវបង្ហាញប័ណ្ណធានា និងវិក័យប័ត្រជាវផលិតផលរួមជាមួយផលិតផលដែលមានបញ្ហា និងឧបករណ៍បន្ថែមដែលពាក់ព័ន្ធ (ក្នុងករណីចាំបាច់)។
2.ក្នុងករណីបាត់ប័ណ្ណធានា ហើយពិនិត្យឃើញថាផលិតផលគឺជារបស់ក្រុមហ៊ុន នោះក្រុមហ៊ុនអាចទទួលជួសជុល ឬបំរើសេវាកម្មបានលុះណាតែអតិថិជនបង់ប្រាក់កំរៃ សម្រាប់ការចេញប័ណ្ណធានាថ្មីជូន។
3.អតិថិជនត្រូវបំពេញតាមទំរង់ព័ត៌មានដែលក្រុមហ៊ុនតំរូវឲ្យមាន មុនពេលផ្តល់សេវាកម្ម។
4.អតិថិជនត្រូវយល់ព្រមបង់សេវារដ្ឋបាល ក្នុងករណី ការឆែកត្រួតពិនិត្យតាមប្រព័ន្ធបច្ចេកវិទ្យារបស់ Apple ។
5.អតិថិជនត្រូវយល់ព្រមលើសេវារដ្ឋបាល ថ្លៃជួសជុល ថ្លៃគ្រឿងបន្លាស់ដោយប្រការណាមួយហើយរាល់ការបង់ប្រាក់គឺបង់ជាសាច់ប្រាក់សុទ្ធ។
6.ក្រុមហ៊ុនសុំរក្សាទុករាល់គ្រឿងបន្លាស់ ឬផ្នែកណាមួយដែលខូច ហើយត្រូវបានផ្លាស់ប្តូរ ឬជួសជុល ក្រុមហ៊ុនសូមរក្សាសិទ្ធិមិនប្រគល់ជូនវិញឡើយ។
7.រាល់គ្រឿងបន្លាស់ដែលបានជួយជុល ឬផ្លាស់ប្តូរការធានាមានប្រសិទ្ធិភាពរយៈពេល ៩០ ថ្ងៃ (៣ខែ) ចាប់ពីថ្ងៃជូនដំណឹងដល់អតិថិជនឲ្យមកយកវិញ។
8.អតិថិជនត្រូវយកមកជាមួយនូវវិក័យប័ត្រ រាល់ពេលអញ្ញើញមកយកផលិតផល។ ក្នុងករណីបាត់វិក័យប័ត្រ ក្រុមហ៊ុនសូមរក្សាសិទ្ធិទាមទាររាល់ឯកសារប្រសិនបើមានការចាំបាច់ ឬមិនប្រគល់ផលិតផលជូនវិញឡើយ។
9.ក្រុមហ៊ុនរក្សាសិទ្ធិសាកសួរព័ត៌មានបន្ថែម បើចាំបាច់ យោងតាមគោលការណ៍របស់ Apple ។
10.ក្រុមហ៊ុនរក្សាទុកផលិតផលដែលបានជួសជុលហើយរយៈពេល ៣០ថ្ងៃ (1ខែ) ក្រោយពីផ្តល់ព័ត៌មានដល់អតិថិជនបើមិនមកទទួលយក នឹងទុកជាអសាបង់។
.ក្រុមហ៊ុនមិនទទួលខុសត្រូវចំពោះការបាត់បង់ឯកសារ ឬទិន្នន័យផ្សេងៗនោះទេ។ អតិថិជនត្រូវថតរក្សាទុកឲ្យរួចរាល់មុនផ្ញើរមកទទួលសេវាកម្មជួសជុល។
.សូមបញ្ជាក់ថា រាល់បញ្ហានីមួយៗ យើងខ្ញុំផ្នែកបច្ចេកទេសនឹងធ្វើការត្រួតពិនិត្យយ៉ាងហ្មត់ចត់តាមគោលការណ៍ស្តង់ដាររបស់ Apple បន្ថែមពីលើការែលបានចែងខាងលើ។
.ក្រុមហ៊ុនមានសិទ្ធបន្ថែម ឬកែប្រែលក្ខខណ្ឌ និងព័ត៌មានដែលបានចែងដោយមិនចាំបាច់ផ្តល់ដំណឹងជូនជាមុន។